არყის ხის ფანერა და მისი გამოყენების გზები

არყის ხის ფანერა, წარმოადგენს საუკეთესო ფილოვან მასალას, რომელსაც გააჩნია დახვეწილი სტრუქტურა, მომატებული ტენგამძლეობა, ზომების  ფართო არჩევანი და  ხელმისაწვდომობა.

არსებობს რამდენიმე მიმართულება, სადაც აქტიურად გამოიყენება არყის ხის ფანერა: მშენებლობა, ინტერიერი, საბავშვო სათამაშოები, ნავები, თვითმფრინავები და სხვ.

მშენებლობა: 

სამშენებლო სფეროში არყის ხის ფანერას, იყენებენ როგორც დამხმარე მასალას. მისგან ამზადებენ კოჭებსა და თხელ ტიხრებს. იყენებენ საყალიბედ, რომელშიც შემდეგ ბეტონს ასხამენ. ასევე, ქვეშსაგებად, ლამინირებული იატაკისთვის.

ინტერიერი:

თანამედროვე დიზაინერები იყენებენ მას, როგორც მოსაპირკეთებელ მასალას ლოფტ და სკანდინავიურ სტილში. არყის ხის ფანერა გამოიყენება კედლის პანელების, ჭერისა და გარდერობის ფასადის გასაფორმებლად. ბუნებრივი ორნამენტი კარგად ესადაგება მინიმალისტურ ინტერიერს, ნათელ ტონებსა და აგურის უხეშ ფაქტურას.

 

 

ავეჯი:

არყის ხისა და წიწვოვანი ხის ფანერები ძველთაგანვე ავეჯის დასამზადებლად ყველაზე გამოყენებად მასალად ითვლება. მათ საფუძველზე ამზადებენ სახვადასხვა კონსტრუქციულ და დეკორატიულ დეტალებს, რომლებიც ჯობნიან სხვა ისეთ მასალებს, როგორიცაა: მერქანბურბუშელოვანი ფილა (ДСП), წვრილდისპერსული ფილა ( МДФ), ორიენტირებული ბურბუშელოვანი ფილა (OSB) და სხვებს ეკოლოგიურობით, ტენმედეგობით, მცირე წონით, სიმტკიცითა და დამუშავების სიმარტივით. დიზაინერები და არქიტექტორები მთელი მსოფლიოდან ფანერას აფასებენ ტრანსფორმირების ფანტასტიური „უნარის“ გამო. ამავე დროს, ფანერისაგან დამზადებული ავეჯი გამოირჩევა უფრო დემოკრატიული ღირებულებით, ვიდრე მასიური ხისაგან დამზადებული ავეჯი. 

 

სათამაშოები:

ფანერისგანაა დამზადებული საბავშვო ასაწყობი მოდელები: ტანკები, თვითმფრინავები, ნავები - როგორც უბრალო, ასევე დეტალიზებულ მოდელები. არყის ხის ფანერის მინიმალური სისქეა 2მმ, რაც იძლევა ნებისმიერი დეტალის, მინიატურულ ზომებში შექმნის შესაძლებლობას.

 

 

ფანერისაგან დამზადებული კედლის ხის ფილები (პანელები), ავეჯი, მზიდი კონსტრუქციის ელემენტები, ტიხრები, იატაკები, ჭერი განუმეორებელ ესთეტიკას ქმნიან ნებისმიერ საცხოვრებელ და საოფისე სივრცეში. ჩვენი კომპანია გთავაზობთ სხვადასხვა მწარმოებლის მიერ, მათ შორის კომპანია „SVEZA“-ს მიერ წარმოებულ სხვადასხვა ხარისხის წიწვიანი და არყის ხისაგან დამზადებულ ფანერებს, რომელთა გამოყენებაც ინტერიერში საურველი გარემოს შესაქმნელად თქვენი მოთხოვნების მიხედვითაა შესაძლებელი.

 

ფანერის უპირატესობები:

• გაზრდილი ტენმედეგობა, ეკოლოგიურობა და უსაფრთხოება;
• ნატურალური ხის ლამაზი ტექსტურა, სიმტკიცე და დაბალი წონა;
• ტემპერატურის ცვალებადობისადმი მდგრადობა;
• ხმაურ და თერმოსაიზოლაციო თვისებები;
• მისაღები ფასი და უპირატესობები სხვა მასალებთან შედარებით, დამუშავების სიმარტივე და სასურველი ფორმის მიღების შესაძლებლობა;
• თანაბარი, მოხეწილი ზედაპირი და სხვა მასალებთან თავსებადობა;
• სხვადასხვა ანათალით, ლაქით, პლასტიკით, ტყავით, მინითა და სხვა მასალებით დაფარვის შესაძლებლობა.

 

 

რა უნდა ვიცოდეთ არყის ხის ფანერის შესახებ?

არსებობს არყის ხის ფანერის რამოდენიმე სახეობად დაყოფის პრაქტიკა, როგორებიცაა ზედა ფენების საფარისა  და დამუშავების ხარისხი:

1. I (B/S) პირველი სორტი - ზედაპირს არ გააჩნია არანაირი ნაკლი, დასაშვებია მხოლოდ შეზრდილი კორძი, რომელთა დიამეტრი არ აღემატება 6მმ-ს, ხოლო რაოდენობა არაუმეტეს 3ც 1მ2-ზე.
2. II (B/B) მეორე სორტი - ზედაპირზე გვხვდება ე.წ. შეუზრდელი ან ნაწილობრივ შეზრდილი კორძები,  რომელთა დიამეტრი არ აღემატება 6მმ, ხოლო რაოდენობა არაუმეტეს 6ც 1მ2-ზე.
3. III (СР) მესამე სორტი - შეზრდილი და ნაწილობრივ შეზრდილი კორძების დიამეტრი არ აღებატება 15მმ, ხოლო რაოდენობა, არაუმეტეს,  10ც 1მ2-ზე.
4. IV (C) მეოთხე სორტი - ასეთი ტიპის ფანერას, შესაძლებელია ჰქონდეს ნებისმიერი ტიპის დეფექტი, მთავარი კრიტერიუმია, ფანერის ფენების ხარისხიანად შეწებება.